भगवद्गीता · अध्याय 7 / 18

ज्ञानविज्ञानयोग — ज्ञान-विज्ञान योग

30 श्लोक

सभी 30 श्लोक

1. 7.1 · श्रीकृष्ण

   मय्यासक्तमनाः पार्थ योगं युञ्जन्मदाश्रयः ।
   असंशयं समग्रं मां यथा ज्ञास्यसि तच्छृणु ॥

   mayyāsaktamanāḥ pārtha yogaṃ yuñjanmadāśrayaḥ |
   asaṃśayaṃ samagraṃ māṃ yathā jñāsyasi tacchṛṇu ||

   श्रीभगवान बोले: हे पार्थ, सुनो — मन को मुझमें लगाकर, योग का अभ्यास करते हुए और मेरा आश्रय लेकर तुम मुझे किस प्रकार पूरी तरह और निःसंदेह जान सकोगे।

2. 7.2 · श्रीकृष्ण

   ज्ञानं तेऽहं सविज्ञानमिदं वक्ष्याम्यशेषतः ।
   यज्ज्ञात्वा नेह भूयोऽन्यज्ज्ञातव्यमवशिष्यते ॥

   jñānaṃ te’haṃ savijñānamidaṃ vakṣyāmyaśeṣataḥ |
   yajjñātvā neha bhūyo’nyajjñātavyamavaśiṣyate ||

   मैं तुम्हें यह ज्ञान उसके अनुभव (विज्ञान) सहित पूरा-पूरा बताऊँगा, जिसे जान लेने के बाद इस संसार में और कुछ जानना शेष नहीं रह जाता।

3. 7.3 · श्रीकृष्ण

   मनुष्याणां सहस्रेषु कश्चिद्यतति सिद्धये ।
   यततामपि सिद्धानां कश्चिन्मां वेत्ति तत्त्वतः ॥

   manuṣyāṇāṃ sahasreṣu kaścidyatati siddhaye |
   yatatāmapi siddhānāṃ kaścinmāṃ vetti tattvataḥ ||

   हजारों मनुष्यों में कोई विरला ही सिद्धि के लिए प्रयत्न करता है, और प्रयत्न करके सफल होने वालों में भी कोई एक ही मुझे वास्तव में जैसा मैं हूँ, वैसा जान पाता है।

4. 7.4 · श्रीकृष्ण

   भूमिरापोऽनलो वायुः खं मनो बुद्धिरेव च ।
   अहंकार इतीयं मे भिन्ना प्रकृतिरष्टधा ॥

   bhūmirāpo’nalo vāyuḥ khaṃ mano buddhireva ca |
   ahaṃkāra itīyaṃ me bhinnā prakṛtiraṣṭadhā ||

   पृथ्वी, जल, अग्नि, वायु, आकाश, मन, बुद्धि और अहंकार — ये आठ मेरी प्रकृति के भाग हैं।

5. 7.5 · श्रीकृष्ण

   अपरेयमितस्त्वन्यां प्रकृतिं विद्धि मे पराम् ।
   जीवभूतां महाबाहो ययेदं धार्यते जगत् ॥

   apareyamitastvanyāṃ prakṛtiṃ viddhi me parām |
   jīvabhūtāṃ mahābāho yayedaṃ dhāryate jagat ||

   यह मेरी निचली (अपरा) प्रकृति है। हे महाबाहो, इससे भिन्न मेरी एक और उच्चतर (परा) प्रकृति को जानो — वह चेतन जीव-तत्त्व, जिससे यह सारा जगत धारण किया जाता है।

6. 7.6 · श्रीकृष्ण

   एतद्योनीनि भूतानि सर्वाणीत्युपधारय ।
   अहं कृत्स्नस्य जगतः प्रभवः प्रलयस्तथा ॥

   etadyonīni bhūtāni sarvāṇītyupadhāraya |
   ahaṃ kṛtsnasya jagataḥ prabhavaḥ pralayastathā ||

   समझ लो कि समस्त प्राणी इन्हीं दोनों प्रकृतियों से उत्पन्न होते हैं। सम्पूर्ण जगत का उद्भव भी मैं हूँ और उसका लय भी मैं ही हूँ।

7. 7.7 · श्रीकृष्ण

   मत्तः परतरं नान्यत्किञ्चिदस्ति धनञ्जय ।
   मयि सर्वमिदं प्रोतं सूत्रे मणिगणा इव ॥

   mattaḥ parataraṃ nānyatkiñcidasti dhanañjaya |
   mayi sarvamidaṃ protaṃ sūtre maṇigaṇā iva ||

   हे धनञ्जय, मुझसे बढ़कर दूसरा कुछ भी नहीं है। यह सब कुछ मुझमें ऐसे पिरोया हुआ है जैसे धागे में मणियाँ पिरोई रहती हैं।

8. 7.8 · श्रीकृष्ण

   रसोऽहमप्सु कौन्तेय प्रभास्मि शशिसूर्ययोः ।
   प्रणवः सर्ववेदेषु शब्दः खे पौरुषं नृषु ॥

   raso’hamapsu kaunteya prabhāsmi śaśisūryayoḥ |
   praṇavaḥ sarvavedeṣu śabdaḥ khe pauruṣaṃ nṛṣu ||

   हे कुन्तीपुत्र, जल में रस मैं हूँ, चन्द्रमा और सूर्य में प्रकाश मैं हूँ; सब वेदों में ॐकार, आकाश में शब्द और मनुष्यों में पुरुषार्थ मैं ही हूँ।

9. 7.9 · श्रीकृष्ण

   पुण्यो गन्धः पृथिव्यां च तेजश्चास्मि विभावसौ ।
   जीवनं सर्वभूतेषु तपश्चास्मि तपस्विषु ॥

   puṇyo gandhaḥ pṛthivyāṃ ca tejaścāsmi vibhāvasau |
   jīvanaṃ sarvabhūteṣu tapaścāsmi tapasviṣu ||

   पृथ्वी में पवित्र गन्ध और अग्नि में तेज मैं हूँ; सब प्राणियों में जीवन और तपस्वियों में तप भी मैं ही हूँ।

10. 7.10 · श्रीकृष्ण

    बीजं मां सर्वभूतानां विद्धि पार्थ सनातनम् ।
    बुद्धिर्बुद्धिमतामस्मि तेजस्तेजस्विनामहम् ॥

    bījaṃ māṃ sarvabhūtānāṃ viddhi pārtha sanātanam |
    buddhirbuddhimatāmasmi tejastejasvināmaham ||

    हे पार्थ, मुझे सब प्राणियों का सनातन बीज जानो। बुद्धिमानों की बुद्धि और तेजस्वियों का तेज मैं हूँ।

11. 7.11 · श्रीकृष्ण

    बलं बलवतां चाहं कामरागविवर्जितम् ।
    धर्माविरुद्धो भूतेषु कामोऽस्मि भरतर्षभ ॥

    balaṃ balavatāṃ cāhaṃ kāmarāgavivarjitam |
    dharmāviruddho bhūteṣu kāmo’smi bharatarṣabha ||

    हे भरतश्रेष्ठ, बलवानों में मैं वह बल हूँ जो कामना और आसक्ति से रहित है; और प्राणियों में मैं वह काम हूँ जो धर्म के विरुद्ध नहीं है।

12. 7.12 · श्रीकृष्ण

    ये चैव सात्त्विका भावा राजसास्तामसाश्च ये ।
    मत्त एवेति तान्विद्धि न त्वहं तेषु ते मयि ॥

    ye caiva sāttvikā bhāvā rājasāstāmasāśca ye |
    matta eveti tānviddhi na tvahaṃ teṣu te mayi ||

    सत्त्व, रज और तम — इन गुणों से जो भी भाव उत्पन्न होते हैं, उन्हें मुझसे ही उत्पन्न जानो। फिर भी मैं उनमें नहीं हूँ; वे मुझमें हैं।

13. 7.13 · श्रीकृष्ण

    त्रिभिर्गुणमयैर्भावैरेभिः सर्वमिदं जगत् ।
    मोहितं नाभिजानाति मामेभ्यः परमव्ययम् ॥

    tribhirguṇamayairbhāvairebhiḥ sarvamidaṃ jagat |
    mohitaṃ nābhijānāti māmebhyaḥ paramavyayam ||

    इन तीन गुणों से बने भावों से मोहित होकर यह सारा जगत मुझे नहीं पहचानता, जो इन गुणों से परे और अविनाशी हूँ।

14. 7.14 · श्रीकृष्ण

    दैवी ह्येषा गुणमयी मम माया दुरत्यया ।
    मामेव ये प्रपद्यन्ते मायामेतां तरन्ति ते ॥

    daivī hyeṣā guṇamayī mama māyā duratyayā |
    māmeva ye prapadyante māyāmetāṃ taranti te ||

    गुणों से बनी मेरी यह दिव्य माया पार करना बहुत कठिन है। जो केवल मेरी शरण में आते हैं, वही इस माया से पार हो जाते हैं।

15. 7.15 · श्रीकृष्ण

    न मां दुष्कृतिनो मूढाः प्रपद्यन्ते नराधमाः ।
    माययापहृतज्ञाना आसुरं भावमाश्रिताः ॥

    na māṃ duṣkṛtino mūḍhāḥ prapadyante narādhamāḥ |
    māyayāpahṛtajñānā āsuraṃ bhāvamāśritāḥ ||

    दुष्कर्म करने वाले, मूढ़ और अधम मनुष्य मेरी शरण नहीं लेते; माया उनकी समझ को हर लेती है और वे आसुरी स्वभाव का सहारा पकड़े रहते हैं।

16. 7.16 · श्रीकृष्ण

    चतुर्विधा भजन्ते मां जनाः सुकृतिनोऽर्जुन ।
    आर्तो जिज्ञासुरर्थार्थी ज्ञानी च भरतर्षभ ॥

    caturvidhā bhajante māṃ janāḥ sukṛtino’rjuna |
    ārto jijñāsurarthārthī jñānī ca bharatarṣabha ||

    हे भरतश्रेष्ठ अर्जुन, चार प्रकार के पुण्यात्मा लोग मेरी उपासना करते हैं — संकट में पड़ा हुआ, ज्ञान का जिज्ञासु, धन-वैभव चाहने वाला और ज्ञानी।

17. 7.17 · श्रीकृष्ण

    तेषां ज्ञानी नित्ययुक्त एकभक्तिर्विशिष्यते ।
    प्रियो हि ज्ञानिनोऽत्यर्थमहं स च मम प्रियः ॥

    teṣāṃ jñānī nityayukta ekabhaktirviśiṣyate |
    priyo hi jñānino’tyarthamahaṃ sa ca mama priyaḥ ||

    इनमें वह ज्ञानी सबसे श्रेष्ठ है जो सदा मुझसे जुड़ा रहता है और केवल मुझमें ही भक्ति रखता है। ऐसे ज्ञानी को मैं अत्यन्त प्रिय हूँ और वह मुझे प्रिय है।

18. 7.18 · श्रीकृष्ण

    उदाराः सर्व एवैते ज्ञानी त्वात्मैव मे मतम् ।
    आस्थितः स हि युक्तात्मा मामेवानुत्तमां गतिम् ॥

    udārāḥ sarva evaite jñānī tvātmaiva me matam |
    āsthitaḥ sa hi yuktātmā māmevānuttamāṃ gatim ||

    ये सभी उदार हैं, किन्तु ज्ञानी को तो मैं अपना ही स्वरूप मानता हूँ; क्योंकि योग में स्थिर मन वाला वह मुझे ही सर्वोच्च लक्ष्य मानकर मुझमें टिका रहता है।

19. 7.19 · श्रीकृष्ण

    बहूनां जन्मनामन्ते ज्ञानवान्मां प्रपद्यते ।
    वासुदेवः सर्वमिति स महात्मा सुदुर्लभः ॥

    bahūnāṃ janmanāmante jñānavānmāṃ prapadyate |
    vāsudevaḥ sarvamiti sa mahātmā sudurlabhaḥ ||

    अनेक जन्मों के अन्त में ज्ञानी यह जानकर मेरी शरण आता है कि “सब कुछ वासुदेव ही है।” ऐसा महात्मा अत्यन्त दुर्लभ है।

20. 7.20 · श्रीकृष्ण

    कामैस्तैस्तैर्हृतज्ञानाः प्रपद्यन्तेऽन्यदेवताः ।
    तं तं नियममास्थाय प्रकृत्या नियताः स्वया ॥

    kāmaistaistairhṛtajñānāḥ prapadyante’nyadevatāḥ |
    taṃ taṃ niyamamāsthāya prakṛtyā niyatāḥ svayā ||

    जिनकी समझ तरह-तरह की कामनाओं ने हर ली है, वे अपने स्वभाव से बँधे हुए, भिन्न-भिन्न नियमों का पालन करते हुए दूसरे देवताओं की शरण लेते हैं।

21. 7.21 · श्रीकृष्ण

    यो यो यां यां तनुं भक्तः श्रद्धयार्चितुमिच्छति ।
    तस्य तस्याचलां श्रद्धां तामेव विदधाम्यहम् ॥

    yo yo yāṃ yāṃ tanuṃ bhaktaḥ śraddhayārcitumicchati |
    tasya tasyācalāṃ śraddhāṃ tāmeva vidadhāmyaham ||

    जो भक्त श्रद्धा से जिस किसी रूप की पूजा करना चाहता है, उस रूप में उसकी श्रद्धा को मैं ही दृढ़ कर देता हूँ।

22. 7.22 · श्रीकृष्ण

    स तया श्रद्धया युक्तस्तस्याराधनमीहते ।
    लभते च ततः कामान्मयैव विहितान्हि तान् ॥

    sa tayā śraddhayā yuktastasyārādhanamīhate |
    labhate ca tataḥ kāmānmayaiva vihitānhi tān ||

    उस श्रद्धा से युक्त होकर वह उस रूप की आराधना करता है और उससे अपनी चाही हुई वस्तुएँ पाता है; पर वे फल वास्तव में मेरे ही दिए होते हैं।

23. 7.23 · श्रीकृष्ण

    अन्तवत्तु फलं तेषां तद्भवत्यल्पमेधसाम् ।
    देवान्देवयजो यान्ति मद्भक्ता यान्ति मामपि ॥

    antavattu phalaṃ teṣāṃ tadbhavatyalpamedhasām |
    devāndevayajo yānti madbhaktā yānti māmapi ||

    किन्तु अल्प समझ वाले इन लोगों को मिलने वाला फल नश्वर होता है। देवताओं के उपासक देवताओं को पाते हैं, और मेरे भक्त मुझे पाते हैं।

24. 7.24 · श्रीकृष्ण

    अव्यक्तं व्यक्तिमापन्नं मन्यन्ते मामबुद्धयः ।
    परं भावमजानन्तो ममाव्ययमनुत्तमम् ॥

    avyaktaṃ vyaktimāpannaṃ manyante māmabuddhayaḥ |
    paraṃ bhāvamajānanto mamāvyayamanuttamam ||

    नासमझ लोग मेरे सर्वोच्च, अविनाशी और अनुपम स्वरूप को न जानकर, मुझ अव्यक्त को ऐसा मान लेते हैं मानो मैंने केवल कोई व्यक्त रूप धारण कर लिया हो।

25. 7.25 · श्रीकृष्ण

    नाहं प्रकाशः सर्वस्य योगमायासमावृतः ।
    मूढोऽयं नाभिजानाति लोको मामजमव्ययम् ॥

    nāhaṃ prakāśaḥ sarvasya yogamāyāsamāvṛtaḥ |
    mūḍho’yaṃ nābhijānāti loko māmajamavyayam ||

    अपनी योगमाया से ढका होने के कारण मैं सबके सामने प्रकट नहीं होता। यह मोहग्रस्त संसार मुझ अजन्मे और अविनाशी को नहीं पहचानता।

26. 7.26 · श्रीकृष्ण

    वेदाहं समतीतानि वर्तमानानि चार्जुन ।
    भविष्याणि च भूतानि मां तु वेद न कश्चन ॥

    vedāhaṃ samatītāni vartamānāni cārjuna |
    bhaviṣyāṇi ca bhūtāni māṃ tu veda na kaścana ||

    हे अर्जुन, जो प्राणी बीत चुके हैं, जो अभी हैं और जो आगे होंगे — उन सबको मैं जानता हूँ; पर मुझे कोई नहीं जानता।

27. 7.27 · श्रीकृष्ण

    इच्छाद्वेषसमुत्थेन द्वन्द्वमोहेन भारत ।
    सर्वभूतानि संमोहं सर्गे यान्ति परन्तप ॥

    icchādveṣasamutthena dvandvamohena bhārata |
    sarvabhūtāni saṃmohaṃ sarge yānti parantapa ||

    हे भारत, हे परन्तप, इच्छा और द्वेष से उत्पन्न होने वाले द्वन्द्वों के मोह के कारण सभी प्राणी जन्म लेते ही भ्रम में पड़ जाते हैं।

28. 7.28 · श्रीकृष्ण

    येषां त्वन्तगतं पापं जनानां पुण्यकर्मणाम् ।
    ते द्वन्द्वमोहनिर्मुक्ता भजन्ते मां दृढव्रताः ॥

    yeṣāṃ tvantagataṃ pāpaṃ janānāṃ puṇyakarmaṇām |
    te dvandvamohanirmuktā bhajante māṃ dṛḍhavratāḥ ||

    परन्तु जिन पुण्यकर्मी लोगों के पाप समाप्त हो चुके हैं, वे द्वन्द्वों के मोह से छूटकर दृढ़ निश्चय के साथ मेरी उपासना करते हैं।

29. 7.29 · श्रीकृष्ण

    जरामरणमोक्षाय मामाश्रित्य यतन्ति ये ।
    ते ब्रह्म तद्विदुः कृत्स्नमध्यात्मं कर्म चाखिलम् ॥

    jarāmaraṇamokṣāya māmāśritya yatanti ye |
    te brahma tadviduḥ kṛtsnamadhyātmaṃ karma cākhilam ||

    जो मेरी शरण लेकर बुढ़ापे और मृत्यु से छुटकारे के लिए प्रयत्न करते हैं, वे ब्रह्म को, सम्पूर्ण अध्यात्म को और समस्त कर्म को जान लेते हैं।

30. 7.30 · श्रीकृष्ण

    साधिभूताधिदैवं मां साधियज्ञं च ये विदुः ।
    प्रयाणकालेऽपि च मां ते विदुर्युक्तचेतसः ॥

    sādhibhūtādhidaivaṃ māṃ sādhiyajñaṃ ca ye viduḥ |
    prayāṇakāle’pi ca māṃ te viduryuktacetasaḥ ||

    जो मुझे अधिभूत, अधिदैव और अधियज्ञ के आधार के रूप में जानते हैं, वे स्थिर चित्त वाले लोग मृत्यु की घड़ी में भी मुझे जानते रहते हैं।