Bhagavad Gita · Chapter 11 of 18

Vishvarupa Darshana Yoga

विश्वरूपदर्शनयोग — The Vision of the Universal Form · 55 verses

All 55 verses

Sanskrit, transliteration and English meaning for every verse.

1. 11.1 · Arjuna

   मदनुग्रहाय परमं गुह्यमध्यात्मसंज्ञितम् ।
   यत्त्वयोक्तं वचस्तेन मोहोऽयं विगतो मम ॥

   madanugrahāya paramaṃ guhyamadhyātmasaṃjñitam |
   yattvayoktaṃ vacastena moho’yaṃ vigato mama ||

   Arjuna said: Out of kindness to me you have spoken this supreme secret concerning the Self, and through those words my delusion has gone.

2. 11.2 · Arjuna

   भवाप्ययौ हि भूतानां श्रुतौ विस्तरशो मया ।
   त्वत्तः कमलपत्राक्ष माहात्म्यमपि चाव्ययम् ॥

   bhavāpyayau hi bhūtānāṃ śrutau vistaraśo mayā |
   tvattaḥ kamalapatrākṣa māhātmyamapi cāvyayam ||

   For I have heard from you in detail about the arising and passing away of beings, lotus-eyed one, and also about your imperishable greatness.

3. 11.3 · Arjuna

   एवमेतद्यथात्थ त्वमात्मानं परमेश्वर ।
   द्रष्टुमिच्छामि ते रूपमैश्वरं पुरुषोत्तम ॥

   evametadyathāttha tvamātmānaṃ parameśvara |
   draṣṭumicchāmi te rūpamaiśvaraṃ puruṣottama ||

   It is just as you have described yourself, supreme Lord. Yet I long to see your sovereign form, Purushottama (supreme Person).

4. 11.4 · Arjuna

   मन्यसे यदि तच्छक्यं मया द्रष्टुमिति प्रभो ।
   योगेश्वर ततो मे त्वं दर्शयात्मानमव्ययम् ॥

   manyase yadi tacchakyaṃ mayā draṣṭumiti prabho |
   yogeśvara tato me tvaṃ darśayātmānamavyayam ||

   If you think it is possible for me to see it, Lord, then show me your imperishable Self, master of yoga.

5. 11.5 · Krishna

   पश्य मे पार्थ रूपाणि शतशोऽथ सहस्रशः ।
   नानाविधानि दिव्यानि नानावर्णाकृतीनि च ॥

   paśya me pārtha rūpāṇi śataśo’tha sahasraśaḥ |
   nānāvidhāni divyāni nānāvarṇākṛtīni ca ||

   The Lord said: Behold my forms, son of Pritha, by the hundreds and the thousands — divine, of many kinds, of many colours and shapes.

6. 11.6 · Krishna

   पश्यादित्यान्वसून्रुद्रानश्विनौ मरुतस्तथा ।
   बहून्यदृष्टपूर्वाणि पश्याश्चर्याणि भारत ॥

   paśyādityānvasūnrudrānaśvinau marutastathā |
   bahūnyadṛṣṭapūrvāṇi paśyāścaryāṇi bhārata ||

   Behold the Adityas, the Vasus, the Rudras, the two Ashvins and the Maruts. Behold many wonders never seen before, Bharata.

7. 11.7 · Krishna

   इहैकस्थं जगत्कृत्स्नं पश्याद्य सचराचरम् ।
   मम देहे गुडाकेश यच्चान्यद् द्रष्टुमिच्छसि ॥

   ihaikasthaṃ jagatkṛtsnaṃ paśyādya sacarācaram |
   mama dehe guḍākeśa yaccānyad draṣṭumicchasi ||

   See here today, Gudakesha, the whole universe, moving and unmoving, gathered in one place within my body — and whatever else you wish to see.

8. 11.8 · Krishna

   न तु मां शक्यसे द्रष्टुमनेनैव स्वचक्षुषा ।
   दिव्यं ददामि ते चक्षुः पश्य मे योगमैश्वरम् ॥

   na tu māṃ śakyase draṣṭumanenaiva svacakṣuṣā |
   divyaṃ dadāmi te cakṣuḥ paśya me yogamaiśvaram ||

   But you cannot see me with these eyes of yours. I give you divine sight: behold my sovereign power of yoga.

9. 11.9 · Sanjaya

   एवमुक्त्वा ततो राजन्महायोगेश्वरो हरिः ।
   दर्शयामास पार्थाय परमं रूपमैश्वरम् ॥

   evamuktvā tato rājanmahāyogeśvaro hariḥ |
   darśayāmāsa pārthāya paramaṃ rūpamaiśvaram ||

   Sanjaya said: Having spoken thus, O king, Hari, the great lord of yoga, then revealed to the son of Pritha his supreme and sovereign form —

10. 11.10 · Sanjaya

    अनेकवक्त्रनयनमनेकाद्भुतदर्शनम् ।
    अनेकदिव्याभरणं दिव्यानेकोद्यतायुधम् ॥

    anekavaktranayanamanekādbhutadarśanam |
    anekadivyābharaṇaṃ divyānekodyatāyudham ||

    — with countless mouths and eyes, countless wondrous sights, countless divine ornaments and countless divine weapons held aloft —

11. 11.11 · Sanjaya

    दिव्यमाल्याम्बरधरं दिव्यगन्धानुलेपनम् ।
    सर्वाश्चर्यमयं देवमनन्तं विश्वतोमुखम् ॥

    divyamālyāmbaradharaṃ divyagandhānulepanam |
    sarvāścaryamayaṃ devamanantaṃ viśvatomukham ||

    — wearing divine garlands and garments, anointed with divine fragrances: the God made of every wonder, infinite, facing in all directions.

12. 11.12 · Sanjaya

    दिवि सूर्यसहस्रस्य भवेद्युगपदुत्थिता ।
    यदि भाः सदृशी सा स्याद्भासस्तस्य महात्मनः ॥

    divi sūryasahasrasya bhavedyugapadutthitā |
    yadi bhāḥ sadṛśī sā syādbhāsastasya mahātmanaḥ ||

    If the light of a thousand suns were to blaze forth at once in the sky, it might resemble the splendour of that mighty being.

13. 11.13 · Sanjaya

    तत्रैकस्थं जगत्कृत्स्नं प्रविभक्तमनेकधा ।
    अपश्यद्देवदेवस्य शरीरे पाण्डवस्तदा ॥

    tatraikasthaṃ jagatkṛtsnaṃ pravibhaktamanekadhā |
    apaśyaddevadevasya śarīre pāṇḍavastadā ||

    There, in the body of the God of gods, the son of Pandu then saw the entire universe, with all its many divisions, gathered together as one.

14. 11.14 · Sanjaya

    ततः स विस्मयाविष्टो हृष्टरोमा धनंजयः ।
    प्रणम्य शिरसा देवं कृताञ्जलिरभाषत ॥

    tataḥ sa vismayāviṣṭo hṛṣṭaromā dhanaṃjayaḥ |
    praṇamya śirasā devaṃ kṛtāñjalirabhāṣata ||

    Then Dhananjaya, filled with amazement, his hair standing on end, bowed his head to the God and spoke with joined palms.

15. 11.15 · Arjuna

    पश्यामि देवांस्तव देव देहे
    सर्वांस्तथा भूतविशेषसंघान् ।
    ब्रह्माणमीशं कमलासनस्थ-
    मृषींश्च सर्वानुरगांश्च दिव्यान् ॥

    paśyāmi devāṃstava deva dehe
    sarvāṃstathā bhūtaviśeṣasaṃghān |
    brahmāṇamīśaṃ kamalāsanastha-
    mṛṣīṃśca sarvānuragāṃśca divyān ||

    Arjuna said: In your body, O God, I see all the gods and the hosts of every kind of being — Brahma the lord seated on his lotus, all the seers, and the celestial serpents.

16. 11.16 · Arjuna

    अनेकबाहूदरवक्त्रनेत्रं
    पश्यामि त्वां सर्वतोऽनन्तरूपम् ।
    नान्तं न मध्यं न पुनस्तवादिं
    पश्यामि विश्वेश्वर विश्वरूप ॥

    anekabāhūdaravaktranetraṃ
    paśyāmi tvāṃ sarvato’nantarūpam |
    nāntaṃ na madhyaṃ na punastavādiṃ
    paśyāmi viśveśvara viśvarūpa ||

    I see you everywhere, infinite in form, with countless arms, bellies, mouths and eyes. I see no end of you, no middle and no beginning, Lord of the universe, whose form is the universe.

17. 11.17 · Arjuna

    किरीटिनं गदिनं चक्रिणं च
    तेजोराशिं सर्वतो दीप्तिमन्तम् ।
    पश्यामि त्वां दुर्निरीक्ष्यं समन्ता-
    द्दीप्तानलार्कद्युतिमप्रमेयम् ॥

    kirīṭinaṃ gadinaṃ cakriṇaṃ ca
    tejorāśiṃ sarvato dīptimantam |
    paśyāmi tvāṃ durnirīkṣyaṃ samantā-
    ddīptānalārkadyutimaprameyam ||

    I see you crowned, bearing mace and discus, a mass of radiance shining on every side — hard to look upon, blazing all around like flaming fire and the sun, beyond all measure.

18. 11.18 · Arjuna

    त्वमक्षरं परमं वेदितव्यं
    त्वमस्य विश्वस्य परं निधानम् ।
    त्वमव्ययः शाश्वतधर्मगोप्ता
    सनातनस्त्वं पुरुषो मतो मे ॥

    tvamakṣaraṃ paramaṃ veditavyaṃ
    tvamasya viśvasya paraṃ nidhānam |
    tvamavyayaḥ śāśvatadharmagoptā
    sanātanastvaṃ puruṣo mato me ||

    You are the imperishable, the supreme one to be known; you are the final resting place of this universe. You are the undying guardian of the eternal dharma; you are, I believe, the primeval Person.

19. 11.19 · Arjuna

    अनादिमध्यान्तमनन्तवीर्य-
    मनन्तबाहुं शशिसूर्यनेत्रम् ।
    पश्यामि त्वां दीप्तहुताशवक्त्रं
    स्वतेजसा विश्वमिदं तपन्तम् ॥

    anādimadhyāntamanantavīrya-
    manantabāhuṃ śaśisūryanetram |
    paśyāmi tvāṃ dīptahutāśavaktraṃ
    svatejasā viśvamidaṃ tapantam ||

    I see you without beginning, middle or end, of infinite strength, with numberless arms, the sun and moon your eyes, your mouth a blazing fire, scorching this whole universe with your radiance.

20. 11.20 · Arjuna

    द्यावापृथिव्योरिदमन्तरं हि
    व्याप्तं त्वयैकेन दिशश्च सर्वाः ।
    दृष्ट्वाद्भुतं रूपमुग्रं तवेदं
    लोकत्रयं प्रव्यथितं महात्मन् ॥

    dyāvāpṛthivyoridamantaraṃ hi
    vyāptaṃ tvayaikena diśaśca sarvāḥ |
    dṛṣṭvādbhutaṃ rūpamugraṃ tavedaṃ
    lokatrayaṃ pravyathitaṃ mahātman ||

    The space between heaven and earth, and every direction, is filled by you alone. Seeing this wondrous and terrible form of yours, great one, the three worlds tremble.

21. 11.21 · Arjuna

    अमी हि त्वां सुरसंघा विशन्ति
    केचिद्भीताः प्राञ्जलयो गृणन्ति ।
    स्वस्तीत्युक्त्वा महर्षिसिद्धसंघाः
    स्तुवन्ति त्वां स्तुतिभिः पुष्कलाभिः ॥

    amī hi tvāṃ surasaṃghā viśanti
    kecidbhītāḥ prāñjalayo gṛṇanti |
    svastītyuktvā maharṣisiddhasaṃghāḥ
    stuvanti tvāṃ stutibhiḥ puṣkalābhiḥ ||

    These hosts of gods are entering into you; some, in fear, praise you with joined palms. Bands of great seers and perfected ones cry “May all be well!” and extol you with abundant hymns.

22. 11.22 · Arjuna

    रुद्रादित्या वसवो ये च साध्या
    विश्वेऽश्विनौ मरुतश्चोष्मपाश्च ।
    गन्धर्वयक्षासुरसिद्धसंघा
    वीक्षन्ते त्वां विस्मिताश्चैव सर्वे ॥

    rudrādityā vasavo ye ca sādhyā
    viśve’śvinau marutaścoṣmapāśca |
    gandharvayakṣāsurasiddhasaṃghā
    vīkṣante tvāṃ vismitāścaiva sarve ||

    The Rudras, Adityas, Vasus and Sadhyas, the Vishvadevas, the two Ashvins, the Maruts and the ancestors, and hosts of gandharvas, yakshas, asuras and siddhas — all gaze at you in wonder.

23. 11.23 · Arjuna

    रूपं महत्ते बहुवक्त्रनेत्रं
    महाबाहो बहुबाहूरुपादम् ।
    बहूदरं बहुदंष्ट्राकरालं
    दृष्ट्वा लोकाः प्रव्यथितास्तथाहम् ॥

    rūpaṃ mahatte bahuvaktranetraṃ
    mahābāho bahubāhūrupādam |
    bahūdaraṃ bahudaṃṣṭrākarālaṃ
    dṛṣṭvā lokāḥ pravyathitāstathāham ||

    Seeing your immense form, mighty-armed one, with its many mouths and eyes, many arms, thighs and feet, many bellies, and dreadful with many tusks, the worlds are shaken — and so am I.

24. 11.24 · Arjuna

    नभःस्पृशं दीप्तमनेकवर्णं
    व्यात्ताननं दीप्तविशालनेत्रम् ।
    दृष्ट्वा हि त्वां प्रव्यथितान्तरात्मा
    धृतिं न विन्दामि शमं च विष्णो ॥

    nabhaḥspṛśaṃ dīptamanekavarṇaṃ
    vyāttānanaṃ dīptaviśālanetram |
    dṛṣṭvā hi tvāṃ pravyathitāntarātmā
    dhṛtiṃ na vindāmi śamaṃ ca viṣṇo ||

    Seeing you touching the sky, blazing in many colours, with mouths gaping wide and huge fiery eyes, I tremble to my core and find neither courage nor peace, Vishnu.

25. 11.25 · Arjuna

    दंष्ट्राकरालानि च ते मुखानि
    दृष्ट्वैव कालानलसन्निभानि ।
    दिशो न जाने न लभे च शर्म
    प्रसीद देवेश जगन्निवास ॥

    daṃṣṭrākarālāni ca te mukhāni
    dṛṣṭvaiva kālānalasannibhāni |
    diśo na jāne na labhe ca śarma
    prasīda deveśa jagannivāsa ||

    Seeing your mouths, fearsome with tusks and like the fire at the end of time, I have lost all sense of direction and find no shelter. Be gracious, Lord of gods, refuge of the universe.

26. 11.26 · Arjuna

    अमी च त्वां धृतराष्ट्रस्य पुत्राः
    सर्वे सहैवावनिपालसंघैः ।
    भीष्मो द्रोणः सूतपुत्रस्तथासौ
    सहास्मदीयैरपि योधमुख्यैः ॥

    amī ca tvāṃ dhṛtarāṣṭrasya putrāḥ
    sarve sahaivāvanipālasaṃghaiḥ |
    bhīṣmo droṇaḥ sūtaputrastathāsau
    sahāsmadīyairapi yodhamukhyaiḥ ||

    All these sons of Dhritarashtra, together with the hosts of kings, and Bhishma, Drona and that son of a charioteer (Karna), along with the leading warriors on our side as well —

27. 11.27 · Arjuna

    वक्त्राणि ते त्वरमाणा विशन्ति
    दंष्ट्राकरालानि भयानकानि ।
    केचिद्विलग्ना दशनान्तरेषु
    संदृश्यन्ते चूर्णितैरुत्तमाङ्गैः ॥

    vaktrāṇi te tvaramāṇā viśanti
    daṃṣṭrākarālāni bhayānakāni |
    kecidvilagnā daśanāntareṣu
    saṃdṛśyante cūrṇitairuttamāṅgaiḥ ||

    — are rushing into your terrible mouths, fearsome with tusks. Some are seen caught between your teeth, their heads crushed to powder.

28. 11.28 · Arjuna

    यथा नदीनां बहवोऽम्बुवेगाः
    समुद्रमेवाभिमुखा द्रवन्ति ।
    तथा तवामी नरलोकवीरा
    विशन्ति वक्त्राण्यभिविज्वलन्ति ॥

    yathā nadīnāṃ bahavo’mbuvegāḥ
    samudramevābhimukhā dravanti |
    tathā tavāmī naralokavīrā
    viśanti vaktrāṇyabhivijvalanti ||

    As the many currents of rivers race headlong towards the ocean, so these heroes of the human world pour into your flaming mouths.

29. 11.29 · Arjuna

    यथा प्रदीप्तं ज्वलनं पतङ्गा
    विशन्ति नाशाय समृद्धवेगाः ।
    तथैव नाशाय विशन्ति लोका-
    स्तवापि वक्त्राणि समृद्धवेगाः ॥

    yathā pradīptaṃ jvalanaṃ pataṅgā
    viśanti nāśāya samṛddhavegāḥ |
    tathaiva nāśāya viśanti lokā-
    stavāpi vaktrāṇi samṛddhavegāḥ ||

    As moths rush at full speed into a blazing fire to their destruction, so these worlds rush at full speed into your mouths to their destruction.

30. 11.30 · Arjuna

    लेलिह्यसे ग्रसमानः समन्ता-
    ल्लोकान्समग्रान्वदनैर्ज्वलद्भिः ।
    तेजोभिरापूर्य जगत्समग्रं
    भासस्तवोग्राः प्रतपन्ति विष्णो ॥

    lelihyase grasamānaḥ samantā-
    llokānsamagrānvadanairjvaladbhiḥ |
    tejobhirāpūrya jagatsamagraṃ
    bhāsastavogrāḥ pratapanti viṣṇo ||

    Swallowing all the worlds on every side with your flaming mouths, you lick your lips. Your fierce rays fill the whole universe with brilliance and scorch it, Vishnu.

31. 11.31 · Arjuna

    आख्याहि मे को भवानुग्ररूपो
    नमोऽस्तु ते देववर प्रसीद ।
    विज्ञातुमिच्छामि भवन्तमाद्यं
    न हि प्रजानामि तव प्रवृत्तिम् ॥

    ākhyāhi me ko bhavānugrarūpo
    namo’stu te devavara prasīda |
    vijñātumicchāmi bhavantamādyaṃ
    na hi prajānāmi tava pravṛttim ||

    Tell me who you are, in this terrible form. I bow to you, greatest of gods — be gracious. I wish to understand you, the primal one, for I do not comprehend what you are doing.

32. 11.32 · Krishna · key verse

    कालोऽस्मि लोकक्षयकृत्प्रवृद्धो
    लोकान्समाहर्तुमिह प्रवृत्तः ।
    ऋतेऽपि त्वां न भविष्यन्ति सर्वे
    येऽवस्थिताः प्रत्यनीकेषु योधाः ॥

    kālo’smi lokakṣayakṛtpravṛddho
    lokānsamāhartumiha pravṛttaḥ |
    ṛte’pi tvāṃ na bhaviṣyanti sarve
    ye’vasthitāḥ pratyanīkeṣu yodhāḥ ||

    The Lord said: I am Time, grown mighty, the destroyer of worlds, here engaged in drawing in the worlds. Even without you, none of the warriors arrayed in the opposing armies will survive.

33. 11.33 · Krishna

    तस्मात्त्वमुत्तिष्ठ यशो लभस्व
    जित्वा शत्रून् भुङ्क्ष्व राज्यं समृद्धम् ।
    मयैवैते निहताः पूर्वमेव
    निमित्तमात्रं भव सव्यसाचिन् ॥

    tasmāttvamuttiṣṭha yaśo labhasva
    jitvā śatrūn bhuṅkṣva rājyaṃ samṛddham |
    mayaivaite nihatāḥ pūrvameva
    nimittamātraṃ bhava savyasācin ||

    Therefore rise and win glory. Conquer your enemies and enjoy a prosperous kingdom. These have already been slain by me; be merely the instrument, Savyasachin (you who shoot with either hand).

34. 11.34 · Krishna

    द्रोणं च भीष्मं च जयद्रथं च
    कर्णं तथान्यानपि योधवीरान् ।
    मया हतांस्त्वं जहि मा व्यथिष्ठा
    युध्यस्व जेतासि रणे सपत्नान् ॥

    droṇaṃ ca bhīṣmaṃ ca jayadrathaṃ ca
    karṇaṃ tathānyānapi yodhavīrān |
    mayā hatāṃstvaṃ jahi mā vyathiṣṭhā
    yudhyasva jetāsi raṇe sapatnān ||

    Drona, Bhishma, Jayadratha, Karna and the other great warriors too have already been slain by me — kill them, and do not be distressed. Fight: you will conquer your rivals in battle.

35. 11.35 · Sanjaya

    एतच्छ्रुत्वा वचनं केशवस्य
    कृताञ्जलिर्वेपमानः किरीटी ।
    नमस्कृत्वा भूय एवाह कृष्णं
    सगद्गदं भीतभीतः प्रणम्य ॥

    etacchrutvā vacanaṃ keśavasya
    kṛtāñjalirvepamānaḥ kirīṭī |
    namaskṛtvā bhūya evāha kṛṣṇaṃ
    sagadgadaṃ bhītabhītaḥ praṇamya ||

    Sanjaya said: Hearing these words of Keshava, the crowned Arjuna, trembling, bowed with joined palms; and, bowing once more, overwhelmed with fear, he spoke to Krishna in a faltering voice.

36. 11.36 · Arjuna

    स्थाने हृषीकेश तव प्रकीर्त्या
    जगत्प्रहृष्यत्यनुरज्यते च ।
    रक्षांसि भीतानि दिशो द्रवन्ति
    सर्वे नमस्यन्ति च सिद्धसंघाः ॥

    sthāne hṛṣīkeśa tava prakīrtyā
    jagatprahṛṣyatyanurajyate ca |
    rakṣāṃsi bhītāni diśo dravanti
    sarve namasyanti ca siddhasaṃghāḥ ||

    Arjuna said: It is fitting, Hrishikesha, that the world rejoices and delights in praising you. Demons flee in terror in all directions, and the hosts of perfected ones all bow to you.

37. 11.37 · Arjuna

    कस्माच्च ते न नमेरन्महात्मन्
    गरीयसे ब्रह्मणोऽप्यादिकर्त्रे ।
    अनन्त देवेश जगन्निवास
    त्वमक्षरं सदसत्तत्परं यत् ॥

    kasmācca te na nameranmahātman
    garīyase brahmaṇo’pyādikartre |
    ananta deveśa jagannivāsa
    tvamakṣaraṃ sadasattatparaṃ yat ||

    And why should they not bow to you, great one, who are greater even than Brahma, the first creator? Infinite one, Lord of gods, refuge of the universe, you are the imperishable — being and non-being, and what lies beyond both.

38. 11.38 · Arjuna

    त्वमादिदेवः पुरुषः पुराण-
    स्त्वमस्य विश्वस्य परं निधानम् ।
    वेत्तासि वेद्यं च परं च धाम
    त्वया ततं विश्वमनन्तरूप ॥

    tvamādidevaḥ puruṣaḥ purāṇa-
    stvamasya viśvasya paraṃ nidhānam |
    vettāsi vedyaṃ ca paraṃ ca dhāma
    tvayā tataṃ viśvamanantarūpa ||

    You are the first God, the ancient Person, the supreme resting place of this universe. You are the knower and what is to be known, and the highest abode. The universe is pervaded by you, whose forms are endless.

39. 11.39 · Arjuna

    वायुर्यमोऽग्निर्वरुणः शशाङ्कः
    प्रजापतिस्त्वं प्रपितामहश्च ।
    नमो नमस्तेऽस्तु सहस्रकृत्वः
    पुनश्च भूयोऽपि नमो नमस्ते ॥

    vāyuryamo’gnirvaruṇaḥ śaśāṅkaḥ
    prajāpatistvaṃ prapitāmahaśca |
    namo namaste’stu sahasrakṛtvaḥ
    punaśca bhūyo’pi namo namaste ||

    You are Vayu, Yama, Agni, Varuna and the moon; you are Prajapati and the great-grandsire. Salutations to you a thousand times, and again and yet again, salutations to you!

40. 11.40 · Arjuna

    नमः पुरस्तादथ पृष्ठतस्ते
    नमोऽस्तु ते सर्वत एव सर्व ।
    अनन्तवीर्यामितविक्रमस्त्वं
    सर्वं समाप्नोषि ततोऽसि सर्वः ॥

    namaḥ purastādatha pṛṣṭhataste
    namo’stu te sarvata eva sarva |
    anantavīryāmitavikramastvaṃ
    sarvaṃ samāpnoṣi tato’si sarvaḥ ||

    Salutations to you in front and behind; salutations to you on every side, you who are all. Infinite in power, boundless in might, you pervade everything, and so you are everything.

41. 11.41 · Arjuna

    सखेति मत्वा प्रसभं यदुक्तं
    हे कृष्ण हे यादव हे सखेति ।
    अजानता महिमानं तवेदं
    मया प्रमादात्प्रणयेन वापि ॥

    sakheti matvā prasabhaṃ yaduktaṃ
    he kṛṣṇa he yādava he sakheti |
    ajānatā mahimānaṃ tavedaṃ
    mayā pramādātpraṇayena vāpi ||

    Whatever I said rashly, thinking of you as a friend — “O Krishna, O Yadava, O friend” — not knowing this greatness of yours, out of carelessness or even out of affection —

42. 11.42 · Arjuna

    यच्चावहासार्थमसत्कृतोऽसि
    विहारशय्यासनभोजनेषु ।
    एकोऽथवाप्यच्युत तत्समक्षं
    तत्क्षामये त्वामहमप्रमेयम् ॥

    yaccāvahāsārthamasatkṛto’si
    vihāraśayyāsanabhojaneṣu |
    eko’thavāpyacyuta tatsamakṣaṃ
    tatkṣāmaye tvāmahamaprameyam ||

    — and whatever disrespect I showed you in jest, at play, at rest, while sitting or at meals, alone or in front of others, Achyuta — for all that I ask forgiveness of you, the immeasurable one.

43. 11.43 · Arjuna

    पितासि लोकस्य चराचरस्य
    त्वमस्य पूज्यश्च गुरुर्गरीयान् ।
    न त्वत्समोऽस्त्यभ्यधिकः कुतोऽन्यो
    लोकत्रयेऽप्यप्रतिमप्रभाव ॥

    pitāsi lokasya carācarasya
    tvamasya pūjyaśca gururgarīyān |
    na tvatsamo’styabhyadhikaḥ kuto’nyo
    lokatraye’pyapratimaprabhāva ||

    You are the father of this world, of all that moves and all that is still; you are its object of worship and its most venerable teacher. None is equal to you in the three worlds — how could anyone surpass you, whose power is beyond compare?

44. 11.44 · Arjuna

    तस्मात्प्रणम्य प्रणिधाय कायं
    प्रसादये त्वामहमीशमीड्यम् ।
    पितेव पुत्रस्य सखेव सख्युः
    प्रियः प्रियायार्हसि देव सोढुम् ॥

    tasmātpraṇamya praṇidhāya kāyaṃ
    prasādaye tvāmahamīśamīḍyam |
    piteva putrasya sakheva sakhyuḥ
    priyaḥ priyāyārhasi deva soḍhum ||

    Therefore, bowing down and laying my body before you, I seek your grace, adorable Lord. As a father bears with his son, a friend with a friend, a lover with the beloved, so please bear with me, O God.

45. 11.45 · Arjuna

    अदृष्टपूर्वं हृषितोऽस्मि दृष्ट्वा
    भयेन च प्रव्यथितं मनो मे ।
    तदेव मे दर्शय देव रूपं
    प्रसीद देवेश जगन्निवास ॥

    adṛṣṭapūrvaṃ hṛṣito’smi dṛṣṭvā
    bhayena ca pravyathitaṃ mano me |
    tadeva me darśaya deva rūpaṃ
    prasīda deveśa jagannivāsa ||

    I rejoice at having seen what was never seen before, yet my mind is shaken with fear. Show me that other form of yours, O God; be gracious, Lord of gods, refuge of the universe.

46. 11.46 · Arjuna

    किरीटिनं गदिनं चक्रहस्त-
    मिच्छामि त्वां द्रष्टुमहं तथैव ।
    तेनैव रूपेण चतुर्भुजेन
    सहस्रबाहो भव विश्वमूर्ते ॥

    kirīṭinaṃ gadinaṃ cakrahasta-
    micchāmi tvāṃ draṣṭumahaṃ tathaiva |
    tenaiva rūpeṇa caturbhujena
    sahasrabāho bhava viśvamūrte ||

    I wish to see you as before, crowned and holding mace and discus. Take on that four-armed form again, you of a thousand arms, whose body is the universe.

47. 11.47 · Krishna

    मया प्रसन्नेन तवार्जुनेदं
    रूपं परं दर्शितमात्मयोगात् ।
    तेजोमयं विश्वमनन्तमाद्यं
    यन्मे त्वदन्येन न दृष्टपूर्वम् ॥

    mayā prasannena tavārjunedaṃ
    rūpaṃ paraṃ darśitamātmayogāt |
    tejomayaṃ viśvamanantamādyaṃ
    yanme tvadanyena na dṛṣṭapūrvam ||

    The Lord said: Out of my grace, Arjuna, I have shown you, through my own yoga, this supreme form — radiant, universal, infinite and primal — which no one but you has ever seen.

48. 11.48 · Krishna

    न वेदयज्ञाध्ययनैर्न दानै-
    र्न च क्रियाभिर्न तपोभिरुग्रैः ।
    एवंरूपः शक्य अहं नृलोके
    द्रष्टुं त्वदन्येन कुरुप्रवीर ॥

    na vedayajñādhyayanairna dānai-
    rna ca kriyābhirna tapobhirugraiḥ |
    evaṃrūpaḥ śakya ahaṃ nṛloke
    draṣṭuṃ tvadanyena kurupravīra ||

    Not through the Vedas, sacrifices or study, not through gifts or rituals or fierce austerities, can I be seen in this form in the human world by anyone but you, hero of the Kurus.

49. 11.49 · Krishna

    मा ते व्यथा मा च विमूढभावो
    दृष्ट्वा रूपं घोरमीदृङ्ममेदम् ।
    व्यपेतभीः प्रीतमनाः पुनस्त्वं
    तदेव मे रूपमिदं प्रपश्य ॥

    mā te vyathā mā ca vimūḍhabhāvo
    dṛṣṭvā rūpaṃ ghoramīdṛṅmamedam |
    vyapetabhīḥ prītamanāḥ punastvaṃ
    tadeva me rūpamidaṃ prapaśya ||

    Do not be afraid or bewildered at seeing this terrible form of mine. Free from fear and glad at heart, look once again upon my familiar form.

50. 11.50 · Sanjaya

    इत्यर्जुनं वासुदेवस्तथोक्त्वा
    स्वकं रूपं दर्शयामास भूयः ।
    आश्वासयामास च भीतमेनं
    भूत्वा पुनः सौम्यवपुर्महात्मा ॥

    ityarjunaṃ vāsudevastathoktvā
    svakaṃ rūpaṃ darśayāmāsa bhūyaḥ |
    āśvāsayāmāsa ca bhītamenaṃ
    bhūtvā punaḥ saumyavapurmahātmā ||

    Sanjaya said: Having spoken thus to Arjuna, Vasudeva showed his own form once more. Taking again his gentle shape, the great one comforted the frightened Arjuna.

51. 11.51 · Arjuna

    दृष्ट्वेदं मानुषं रूपं तव सौम्यं जनार्दन ।
    इदानीमस्मि संवृत्तः सचेताः प्रकृतिं गतः ॥

    dṛṣṭvedaṃ mānuṣaṃ rūpaṃ tava saumyaṃ janārdana |
    idānīmasmi saṃvṛttaḥ sacetāḥ prakṛtiṃ gataḥ ||

    Arjuna said: Seeing this gentle human form of yours, Janardana, I have now regained my composure and returned to my natural state.

52. 11.52 · Krishna

    सुदुर्दर्शमिदं रूपं दृष्टवानसि यन्मम ।
    देवा अप्यस्य रूपस्य नित्यं दर्शनकाङ्क्षिणः ॥

    sudurdarśamidaṃ rūpaṃ dṛṣṭavānasi yanmama |
    devā apyasya rūpasya nityaṃ darśanakāṅkṣiṇaḥ ||

    The Lord said: This form of mine that you have seen is very hard to behold. Even the gods are always longing for a sight of it.

53. 11.53 · Krishna

    नाहं वेदैर्न तपसा न दानेन न चेज्यया ।
    शक्य एवंविधो द्रष्टुं दृष्टवानसि मां यथा ॥

    nāhaṃ vedairna tapasā na dānena na cejyayā |
    śakya evaṃvidho draṣṭuṃ dṛṣṭavānasi māṃ yathā ||

    Not through the Vedas, nor through austerity, nor through gifts, nor through sacrifice can I be seen as you have seen me.

54. 11.54 · Krishna

    भक्त्या त्वनन्यया शक्य अहमेवंविधोऽर्जुन ।
    ज्ञातुं द्रष्टुं च तत्त्वेन प्रवेष्टुं च परंतप ॥

    bhaktyā tvananyayā śakya ahamevaṃvidho’rjuna |
    jñātuṃ draṣṭuṃ ca tattvena praveṣṭuṃ ca paraṃtapa ||

    But through undivided devotion, Arjuna, I can be known in this way, seen as I truly am, and entered into, scorcher of foes.

55. 11.55 · Krishna

    मत्कर्मकृन्मत्परमो मद्भक्तः सङ्गवर्जितः ।
    निर्वैरः सर्वभूतेषु यः स मामेति पाण्डव ॥

    matkarmakṛnmatparamo madbhaktaḥ saṅgavarjitaḥ |
    nirvairaḥ sarvabhūteṣu yaḥ sa māmeti pāṇḍava ||

    One who does my work, who holds me as the supreme goal, who is devoted to me, free from attachment and without enmity towards any being — that person comes to me, son of Pandu.