Bhagavad Gita · Chapter 9 of 18

Raja Vidya Raja Guhya Yoga

राजविद्याराजगुह्ययोग — The Yoga of Royal Knowledge and Royal Secret · 34 verses

All 34 verses

Sanskrit, transliteration and English meaning for every verse.

1. 9.1 · Krishna

   इदं तु ते गुह्यतमं प्रवक्ष्याम्यनसूयवे ।
   ज्ञानं विज्ञानसहितं यज्ज्ञात्वा मोक्ष्यसेऽशुभात् ॥

   idaṃ tu te guhyatamaṃ pravakṣyāmyanasūyave |
   jñānaṃ vijñānasahitaṃ yajjñātvā mokṣyase’śubhāt ||

   The Lord said: To you, who do not find fault, I will now declare this most secret knowledge together with its realisation; knowing it, you will be freed from what is inauspicious.

2. 9.2 · Krishna

   राजविद्या राजगुह्यं पवित्रमिदमुत्तमम् ।
   प्रत्यक्षावगमं धर्म्यं सुसुखं कर्तुमव्ययम् ॥

   rājavidyā rājaguhyaṃ pavitramidamuttamam |
   pratyakṣāvagamaṃ dharmyaṃ susukhaṃ kartumavyayam ||

   This is the king of sciences, the king of secrets, the supreme purifier. It is known by direct experience, in keeping with dharma, very easy to practise and imperishable.

3. 9.3 · Krishna

   अश्रद्दधानाः पुरुषा धर्मस्यास्य परन्तप ।
   अप्राप्य मां निवर्तन्ते मृत्युसंसारवर्त्मनि ॥

   aśraddadhānāḥ puruṣā dharmasyāsya parantapa |
   aprāpya māṃ nivartante mṛtyusaṃsāravartmani ||

   People who have no faith in this teaching, scorcher of foes, do not reach me, and return to the path of death and rebirth (samsara).

4. 9.4 · Krishna

   मया ततमिदं सर्वं जगदव्यक्तमूर्तिना ।
   मत्स्थानि सर्वभूतानि न चाहं तेष्ववस्थितः ॥

   mayā tatamidaṃ sarvaṃ jagadavyaktamūrtinā |
   matsthāni sarvabhūtāni na cāhaṃ teṣvavasthitaḥ ||

   This whole world is pervaded by me in my unmanifest form. All beings rest in me, but I do not rest in them.

5. 9.5 · Krishna

   न च मत्स्थानि भूतानि पश्य मे योगमैश्वरम् ।
   भूतभृन्न च भूतस्थो ममात्मा भूतभावनः ॥

   na ca matsthāni bhūtāni paśya me yogamaiśvaram |
   bhūtabhṛnna ca bhūtastho mamātmā bhūtabhāvanaḥ ||

   And yet beings do not rest in me — behold my divine mystery! My Self sustains all beings and brings them into existence, yet it does not dwell in them.

6. 9.6 · Krishna

   यथाकाशस्थितो नित्यं वायुः सर्वत्रगो महान् ।
   तथा सर्वाणि भूतानि मत्स्थानीत्युपधारय ॥

   yathākāśasthito nityaṃ vāyuḥ sarvatrago mahān |
   tathā sarvāṇi bhūtāni matsthānītyupadhāraya ||

   Just as the mighty wind, moving everywhere, always remains within space, understand that all beings remain in me in the same way.

7. 9.7 · Krishna

   सर्वभूतानि कौन्तेय प्रकृतिं यान्ति मामिकाम् ।
   कल्पक्षये पुनस्तानि कल्पादौ विसृजाम्यहम् ॥

   sarvabhūtāni kaunteya prakṛtiṃ yānti māmikām |
   kalpakṣaye punastāni kalpādau visṛjāmyaham ||

   At the end of a cosmic cycle (kalpa), son of Kunti, all beings return into my nature (prakriti); at the beginning of the next cycle I send them forth again.

8. 9.8 · Krishna

   प्रकृतिं स्वामवष्टभ्य विसृजामि पुनः पुनः ।
   भूतग्राममिमं कृत्स्नमवशं प्रकृतेर्वशात् ॥

   prakṛtiṃ svāmavaṣṭabhya visṛjāmi punaḥ punaḥ |
   bhūtagrāmamimaṃ kṛtsnamavaśaṃ prakṛtervaśāt ||

   Taking hold of my own nature, I send forth again and again this whole multitude of beings, which is helpless under the sway of nature.

9. 9.9 · Krishna

   न च मां तानि कर्माणि निबध्नन्ति धनंजय ।
   उदासीनवदासीनमसक्तं तेषु कर्मसु ॥

   na ca māṃ tāni karmāṇi nibadhnanti dhanaṃjaya |
   udāsīnavadāsīnamasaktaṃ teṣu karmasu ||

   These actions do not bind me, Dhananjaya, for I remain like one who sits apart, unattached to them.

10. 9.10 · Krishna

    मयाध्यक्षेण प्रकृतिः सूयते सचराचरम् ।
    हेतुनानेन कौन्तेय जगद्विपरिवर्तते ॥

    mayādhyakṣeṇa prakṛtiḥ sūyate sacarācaram |
    hetunānena kaunteya jagadviparivartate ||

    Under my supervision, nature gives birth to all that moves and all that does not move; for this reason, son of Kunti, the world keeps turning.

11. 9.11 · Krishna

    अवजानन्ति मां मूढा मानुषीं तनुमाश्रितम् ।
    परं भावमजानन्तो मम भूतमहेश्वरम् ॥

    avajānanti māṃ mūḍhā mānuṣīṃ tanumāśritam |
    paraṃ bhāvamajānanto mama bhūtamaheśvaram ||

    The deluded disregard me when I take on a human form, not knowing my higher being as the great Lord of all beings.

12. 9.12 · Krishna

    मोघाशा मोघकर्माणो मोघज्ञाना विचेतसः ।
    राक्षसीमासुरीं चैव प्रकृतिं मोहिनीं श्रिताः ॥

    moghāśā moghakarmāṇo moghajñānā vicetasaḥ |
    rākṣasīmāsurīṃ caiva prakṛtiṃ mohinīṃ śritāḥ ||

    Their hopes are vain, their actions vain, their knowledge vain; senseless, they cling to the deluding nature of fiends and demons.

13. 9.13 · Krishna

    महात्मानस्तु मां पार्थ दैवीं प्रकृतिमाश्रिताः ।
    भजन्त्यनन्यमनसो ज्ञात्वा भूतादिमव्ययम् ॥

    mahātmānastu māṃ pārtha daivīṃ prakṛtimāśritāḥ |
    bhajantyananyamanaso jñātvā bhūtādimavyayam ||

    But great souls, son of Pritha, who take shelter in the divine nature, worship me with minds turned to nothing else, knowing me as the imperishable source of all beings.

14. 9.14 · Krishna

    सततं कीर्तयन्तो मां यतन्तश्च दृढव्रताः ।
    नमस्यन्तश्च मां भक्त्या नित्ययुक्ता उपासते ॥

    satataṃ kīrtayanto māṃ yatantaśca dṛḍhavratāḥ |
    namasyantaśca māṃ bhaktyā nityayuktā upāsate ||

    Always singing my praise, striving with firm resolve, and bowing to me in devotion, they worship me, ever steadfast.

15. 9.15 · Krishna

    ज्ञानयज्ञेन चाप्यन्ये यजन्तो मामुपासते ।
    एकत्वेन पृथक्त्वेन बहुधा विश्वतोमुखम् ॥

    jñānayajñena cāpyanye yajanto māmupāsate |
    ekatvena pṛthaktvena bahudhā viśvatomukham ||

    Others, offering the sacrifice of knowledge, worship me as the One, as distinct, and in many ways — me, whose face is turned in every direction.

16. 9.16 · Krishna

    अहं क्रतुरहं यज्ञः स्वधाहमहमौषधम् ।
    मन्त्रोऽहमहमेवाज्यमहमग्निरहं हुतम् ॥

    ahaṃ kraturahaṃ yajñaḥ svadhāhamahamauṣadham |
    mantro’hamahamevājyamahamagnirahaṃ hutam ||

    I am the ritual, I am the sacrifice (yajna), I am the offering to the ancestors, I am the healing herb; I am the sacred chant, I am the clarified butter, I am the fire and I am the act of offering.

17. 9.17 · Krishna

    पिताहमस्य जगतो माता धाता पितामहः ।
    वेद्यं पवित्रमोंकार ऋक्साम यजुरेव च ॥

    pitāhamasya jagato mātā dhātā pitāmahaḥ |
    vedyaṃ pavitramoṃkāra ṛksāma yajureva ca ||

    I am the father of this world, its mother, its sustainer and its grandsire; I am what is to be known, the purifier, the syllable Om, and the Rig, Sama and Yajur Vedas.

18. 9.18 · Krishna

    गतिर्भर्ता प्रभुः साक्षी निवासः शरणं सुहृत् ।
    प्रभवः प्रलयः स्थानं निधानं बीजमव्ययम् ॥

    gatirbhartā prabhuḥ sākṣī nivāsaḥ śaraṇaṃ suhṛt |
    prabhavaḥ pralayaḥ sthānaṃ nidhānaṃ bījamavyayam ||

    I am the goal, the support, the lord, the witness, the dwelling, the refuge and the friend; the origin, the dissolution and the ground; the treasure-house and the imperishable seed.

19. 9.19 · Krishna

    तपाम्यहमहं वर्षं निगृह्णाम्युत्सृजामि च ।
    अमृतं चैव मृत्युश्च सदसच्चाहमर्जुन ॥

    tapāmyahamahaṃ varṣaṃ nigṛhṇāmyutsṛjāmi ca |
    amṛtaṃ caiva mṛtyuśca sadasaccāhamarjuna ||

    I give heat; I hold back the rain and send it forth. I am immortality and also death, Arjuna; I am both being and non-being.

20. 9.20 · Krishna

    त्रैविद्या मां सोमपाः पूतपापा
    यज्ञैरिष्ट्वा स्वर्गतिं प्रार्थयन्ते ।
    ते पुण्यमासाद्य सुरेन्द्रलोक-
    मश्नन्ति दिव्यान्दिवि देवभोगान् ॥

    traividyā māṃ somapāḥ pūtapāpā
    yajñairiṣṭvā svargatiṃ prārthayante |
    te puṇyamāsādya surendraloka-
    maśnanti divyāndivi devabhogān ||

    Those versed in the three Vedas, who drink the soma and are cleansed of sin, worship me with sacrifices and pray for the way to heaven. Reaching the holy world of the king of the gods, they enjoy in heaven the divine pleasures of the gods.

21. 9.21 · Krishna

    ते तं भुक्त्वा स्वर्गलोकं विशालं
    क्षीणे पुण्ये मर्त्यलोकं विशन्ति ।
    एवं त्रयीधर्ममनुप्रपन्ना
    गतागतं कामकामा लभन्ते ॥

    te taṃ bhuktvā svargalokaṃ viśālaṃ
    kṣīṇe puṇye martyalokaṃ viśanti |
    evaṃ trayīdharmamanuprapannā
    gatāgataṃ kāmakāmā labhante ||

    Having enjoyed that vast heavenly world, they enter the world of mortals once their merit is spent. So, following the dharma of the three Vedas and longing for pleasures, they gain only coming and going.

22. 9.22 · Krishna · key verse

    अनन्याश्चिन्तयन्तो मां ये जनाः पर्युपासते ।
    तेषां नित्याभियुक्तानां योगक्षेमं वहाम्यहम् ॥

    ananyāścintayanto māṃ ye janāḥ paryupāsate |
    teṣāṃ nityābhiyuktānāṃ yogakṣemaṃ vahāmyaham ||

    To those who worship me with undivided devotion, ever united with me, I bring what they lack and protect what they have.

23. 9.23 · Krishna

    येऽप्यन्यदेवताभक्ता यजन्ते श्रद्धयान्विताः ।
    तेऽपि मामेव कौन्तेय यजन्त्यविधिपूर्वकम् ॥

    ye’pyanyadevatābhaktā yajante śraddhayānvitāḥ |
    te’pi māmeva kaunteya yajantyavidhipūrvakam ||

    Even those who are devoted to other gods and worship them with faith are in fact worshipping me alone, son of Kunti, though not in the prescribed way.

24. 9.24 · Krishna

    अहं हि सर्वयज्ञानां भोक्ता च प्रभुरेव च ।
    न तु मामभिजानन्ति तत्त्वेनातश्च्यवन्ति ते ॥

    ahaṃ hi sarvayajñānāṃ bhoktā ca prabhureva ca |
    na tu māmabhijānanti tattvenātaścyavanti te ||

    For I am the enjoyer and the lord of all sacrifices. But they do not know me as I truly am, and so they fall back.

25. 9.25 · Krishna

    यान्ति देवव्रता देवान्पितॄन्यान्ति पितृव्रताः ।
    भूतानि यान्ति भूतेज्या यान्ति मद्याजिनोऽपि माम् ॥

    yānti devavratā devānpitṝnyānti pitṛvratāḥ |
    bhūtāni yānti bhūtejyā yānti madyājino’pi mām ||

    Those devoted to the gods go to the gods; those devoted to the ancestors go to the ancestors; those who worship spirits go to the spirits; and those who worship me come to me.

26. 9.26 · Krishna · key verse

    पत्रं पुष्पं फलं तोयं यो मे भक्त्या प्रयच्छति ।
    तदहं भक्त्युपहृतमश्नामि प्रयतात्मनः ॥

    patraṃ puṣpaṃ phalaṃ toyaṃ yo me bhaktyā prayacchati |
    tadahaṃ bhaktyupahṛtamaśnāmi prayatātmanaḥ ||

    Whoever offers me with devotion a leaf, a flower, a fruit or water — that offering of love from a pure heart I accept.

27. 9.27 · Krishna · key verse

    यत्करोषि यदश्नासि यज्जुहोषि ददासि यत् ।
    यत्तपस्यसि कौन्तेय तत्कुरुष्व मदर्पणम् ॥

    yatkaroṣi yadaśnāsi yajjuhoṣi dadāsi yat |
    yattapasyasi kaunteya tatkuruṣva madarpaṇam ||

    Whatever you do, whatever you eat, whatever you offer in sacrifice, whatever you give and whatever discipline you practise — do it as an offering to me.

28. 9.28 · Krishna

    शुभाशुभफलैरेवं मोक्ष्यसे कर्मबन्धनैः ।
    संन्यासयोगयुक्तात्मा विमुक्तो मामुपैष्यसि ॥

    śubhāśubhaphalairevaṃ mokṣyase karmabandhanaiḥ |
    saṃnyāsayogayuktātmā vimukto māmupaiṣyasi ||

    In this way you will be freed from the bonds of karma, with their good and bad fruits. With your self united in the yoga of renunciation, you will be liberated and will come to me.

29. 9.29 · Krishna

    समोऽहं सर्वभूतेषु न मे द्वेष्योऽस्ति न प्रियः ।
    ये भजन्ति तु मां भक्त्या मयि ते तेषु चाप्यहम् ॥

    samo’haṃ sarvabhūteṣu na me dveṣyo’sti na priyaḥ |
    ye bhajanti tu māṃ bhaktyā mayi te teṣu cāpyaham ||

    I am the same towards all beings; no one is hateful to me, and no one is favoured. But those who worship me with devotion are in me, and I too am in them.

30. 9.30 · Krishna

    अपि चेत्सुदुराचारो भजते मामनन्यभाक् ।
    साधुरेव स मन्तव्यः सम्यग्व्यवसितो हि सः ॥

    api cetsudurācāro bhajate māmananyabhāk |
    sādhureva sa mantavyaḥ samyagvyavasito hi saḥ ||

    Even if a person of very bad conduct worships me with undivided devotion, he should be regarded as good, for he has resolved rightly.

31. 9.31 · Krishna

    क्षिप्रं भवति धर्मात्मा शश्वच्छान्तिं निगच्छति ।
    कौन्तेय प्रति जानीहि न मे भक्तः प्रणश्यति ॥

    kṣipraṃ bhavati dharmātmā śaśvacchāntiṃ nigacchati |
    kaunteya prati jānīhi na me bhaktaḥ praṇaśyati ||

    He quickly becomes righteous and attains lasting peace. Know this for certain, son of Kunti: my devotee never perishes.

32. 9.32 · Krishna

    मां हि पार्थ व्यपाश्रित्य येऽपि स्युः पापयोनयः ।
    स्त्रियो वैश्यास्तथा शूद्रास्तेऽपि यान्ति परां गतिम् ॥

    māṃ hi pārtha vyapāśritya ye’pi syuḥ pāpayonayaḥ |
    striyo vaiśyāstathā śūdrāste’pi yānti parāṃ gatim ||

    For those who take refuge in me, son of Pritha — even those of lowly birth, women, vaishyas and shudras — they too reach the supreme goal.

33. 9.33 · Krishna

    किं पुनर्ब्राह्मणाः पुण्या भक्ता राजर्षयस्तथा ।
    अनित्यमसुखं लोकमिमं प्राप्य भजस्व माम् ॥

    kiṃ punarbrāhmaṇāḥ puṇyā bhaktā rājarṣayastathā |
    anityamasukhaṃ lokamimaṃ prāpya bhajasva mām ||

    How much more, then, holy brahmins and devoted royal sages! Having come into this fleeting, joyless world, devote yourself to me.

34. 9.34 · Krishna

    मन्मना भव मद्भक्तो मद्याजी मां नमस्कुरु ।
    मामेवैष्यसि युक्त्वैवमात्मानं मत्परायणः ॥

    manmanā bhava madbhakto madyājī māṃ namaskuru |
    māmevaiṣyasi yuktvaivamātmānaṃ matparāyaṇaḥ ||

    Fix your mind on me, be devoted to me, offer sacrifice to me, bow down to me. Having thus disciplined yourself and made me your goal, you will come to me.