भगवद्गीता · अध्याय 12 / 18

भक्तियोग — भक्ति योग

20 श्लोक

सभी 20 श्लोक

1. 12.1 · अर्जुन

   एवं सततयुक्ता ये भक्तास्त्वां पर्युपासते ।
   ये चाप्यक्षरमव्यक्तं तेषां के योगवित्तमाः ॥

   evaṃ satatayuktā ye bhaktāstvāṃ paryupāsate |
   ye cāpyakṣaramavyaktaṃ teṣāṃ ke yogavittamāḥ ||

   अर्जुन बोले: जो भक्त इस प्रकार सदा आपसे जुड़े रहकर आपकी उपासना करते हैं, और जो अविनाशी अव्यक्त की उपासना करते हैं — इन दोनों में योग को अधिक अच्छी तरह जानने वाला कौन है?

2. 12.2 · श्रीकृष्ण

   मय्यावेश्य मनो ये मां नित्ययुक्ता उपासते ।
   श्रद्धया परयोपेतास्ते मे युक्ततमा मताः ॥

   mayyāveśya mano ye māṃ nityayuktā upāsate |
   śraddhayā parayopetāste me yuktatamā matāḥ ||

   श्रीभगवान बोले: जो मुझमें मन लगाकर, सदा मुझसे जुड़े रहकर और परम श्रद्धा से युक्त होकर मेरी उपासना करते हैं, उन्हें मैं योगियों में सबसे श्रेष्ठ मानता हूँ।

3. 12.3 · श्रीकृष्ण

   ये त्वक्षरमनिर्देश्यमव्यक्तं पर्युपासते ।
   सर्वत्रगमचिन्त्यं च कूटस्थमचलं ध्रुवम् ॥

   ye tvakṣaramanirdeśyamavyaktaṃ paryupāsate |
   sarvatragamacintyaṃ ca kūṭasthamacalaṃ dhruvam ||

   परन्तु जो उस अक्षर की उपासना करते हैं — जो शब्दों में बताया नहीं जा सकता, अव्यक्त है, सर्वव्यापी है, चिन्तन से परे है, अपरिवर्तनशील है, अचल है और सनातन है —

4. 12.4 · श्रीकृष्ण

   संनियम्येन्द्रियग्रामं सर्वत्र समबुद्धयः ।
   ते प्राप्नुवन्ति मामेव सर्वभूतहिते रताः ॥

   saṃniyamyendriyagrāmaṃ sarvatra samabuddhayaḥ |
   te prāpnuvanti māmeva sarvabhūtahite ratāḥ ||

   — और सब इन्द्रियों को संयम में रखते हुए, हर स्थिति में समान बुद्धि रखते हुए तथा सब प्राणियों के हित में लगे रहते हुए, वे भी मुझे ही प्राप्त होते हैं।

5. 12.5 · श्रीकृष्ण

   क्लेशोऽधिकतरस्तेषामव्यक्तासक्तचेतसाम् ।
   अव्यक्ता हि गतिर्दुःखं देहवद्भिरवाप्यते ॥

   kleśo’dhikatarasteṣāmavyaktāsaktacetasām |
   avyaktā hi gatirduḥkhaṃ dehavadbhiravāpyate ||

   किन्तु जिनका मन अव्यक्त में लगा है, उनका परिश्रम अधिक होता है; क्योंकि देहधारियों के लिए अव्यक्त का लक्ष्य पाना कठिन है।

6. 12.6 · श्रीकृष्ण

   ये तु सर्वाणि कर्माणि मयि संन्यस्य मत्पराः ।
   अनन्येनैव योगेन मां ध्यायन्त उपासते ॥

   ye tu sarvāṇi karmāṇi mayi saṃnyasya matparāḥ |
   ananyenaiva yogena māṃ dhyāyanta upāsate ||

   परन्तु जो अपने सारे कर्म मुझे अर्पित करके, मुझे ही परम लक्ष्य मानकर, अनन्य भक्ति-योग से मेरा ध्यान करते हुए मेरी उपासना करते हैं —

7. 12.7 · श्रीकृष्ण

   तेषामहं समुद्धर्ता मृत्युसंसारसागरात् ।
   भवामि नचिरात्पार्थ मय्यावेशितचेतसाम् ॥

   teṣāmahaṃ samuddhartā mṛtyusaṃsārasāgarāt |
   bhavāmi nacirātpārtha mayyāveśitacetasām ||

   — हे पार्थ, मुझमें चित्त लगाने वाले उन भक्तों का मैं शीघ्र ही मृत्यु-रूपी संसार-सागर से उद्धार करने वाला बन जाता हूँ।

8. 12.8 · श्रीकृष्ण

   मय्येव मन आधत्स्व मयि बुद्धिं निवेशय ।
   निवसिष्यसि मय्येव अत ऊर्ध्वं न संशयः ॥

   mayyeva mana ādhatsva mayi buddhiṃ niveśaya |
   nivasiṣyasi mayyeva ata ūrdhvaṃ na saṃśayaḥ ||

   अपना मन केवल मुझमें लगाओ और अपनी बुद्धि मुझमें स्थिर करो। तब निःसंदेह तुम आगे से मुझमें ही निवास करोगे।

9. 12.9 · श्रीकृष्ण

   अथ चित्तं समाधातुं न शक्नोषि मयि स्थिरम् ।
   अभ्यासयोगेन ततो मामिच्छाप्तुं धनंजय ॥

   atha cittaṃ samādhātuṃ na śaknoṣi mayi sthiram |
   abhyāsayogena tato māmicchāptuṃ dhanaṃjaya ||

   हे धनञ्जय, यदि तुम अपना मन मुझमें स्थिरता से नहीं लगा सकते, तो अभ्यास-योग के द्वारा मुझे पाने की इच्छा करो।

10. 12.10 · श्रीकृष्ण

    अभ्यासेऽप्यसमर्थोऽसि मत्कर्मपरमो भव ।
    मदर्थमपि कर्माणि कुर्वन्सिद्धिमवाप्स्यसि ॥

    abhyāse’pyasamartho’si matkarmaparamo bhava |
    madarthamapi karmāṇi kurvansiddhimavāpsyasi ||

    यदि अभ्यास में भी असमर्थ हो, तो मेरे लिए कर्म करने में लग जाओ। मेरे लिए कर्म करते हुए भी तुम सिद्धि प्राप्त कर लोगे।

11. 12.11 · श्रीकृष्ण

    अथैतदप्यशक्तोऽसि कर्तुं मद्योगमाश्रितः ।
    सर्वकर्मफलत्यागं ततः कुरु यतात्मवान् ॥

    athaitadapyaśakto’si kartuṃ madyogamāśritaḥ |
    sarvakarmaphalatyāgaṃ tataḥ kuru yatātmavān ||

    और यदि यह भी न कर सको, तो मेरे आश्रय में रहकर, मन को वश में करके सब कर्मों के फल का त्याग कर दो।

12. 12.12 · श्रीकृष्ण

    श्रेयो हि ज्ञानमभ्यासाज्ज्ञानाद्ध्यानं विशिष्यते ।
    ध्यानात्कर्मफलत्यागस्त्यागाच्छान्तिरनन्तरम् ॥

    śreyo hi jñānamabhyāsājjñānāddhyānaṃ viśiṣyate |
    dhyānātkarmaphalatyāgastyāgācchāntiranantaram ||

    केवल अभ्यास से ज्ञान श्रेष्ठ है, ज्ञान से ध्यान श्रेष्ठ है, और ध्यान से भी कर्मफल का त्याग श्रेष्ठ है; क्योंकि ऐसे त्याग के तुरन्त बाद शान्ति मिलती है।

13. 12.13 · श्रीकृष्ण

    अद्वेष्टा सर्वभूतानां मैत्रः करुण एव च ।
    निर्ममो निरहङ्कारः समदुःखसुखः क्षमी ॥

    adveṣṭā sarvabhūtānāṃ maitraḥ karuṇa eva ca |
    nirmamo nirahaṅkāraḥ samaduḥkhasukhaḥ kṣamī ||

    जो किसी प्राणी से द्वेष नहीं करता, सबका मित्र है और दयालु है; जो ममता और अहंकार से मुक्त है, सुख-दुःख में समान रहता है और क्षमाशील है —

14. 12.14 · श्रीकृष्ण

    संतुष्टः सततं योगी यतात्मा दृढनिश्चयः ।
    मय्यर्पितमनोबुद्धिर्यो मद्भक्तः स मे प्रियः ॥

    saṃtuṣṭaḥ satataṃ yogī yatātmā dṛḍhaniścayaḥ |
    mayyarpitamanobuddhiryo madbhaktaḥ sa me priyaḥ ||

    — जो सदा सन्तुष्ट है, ध्यान में स्थिर है, आत्म-संयमी है, दृढ़ निश्चय वाला है, और जिसने अपना मन और बुद्धि मुझे अर्पित कर दिए हैं — ऐसा भक्त मुझे प्रिय है।

15. 12.15 · श्रीकृष्ण

    यस्मान्नोद्विजते लोको लोकान्नोद्विजते च यः ।
    हर्षामर्षभयोद्वेगैर्मुक्तो यः स च मे प्रियः ॥

    yasmānnodvijate loko lokānnodvijate ca yaḥ |
    harṣāmarṣabhayodvegairmukto yaḥ sa ca me priyaḥ ||

    जिससे संसार को कोई उद्वेग नहीं होता और जो स्वयं संसार से उद्विग्न नहीं होता; जो हर्ष, अधीरता, भय और व्याकुलता से मुक्त है — वह मुझे प्रिय है।

16. 12.16 · श्रीकृष्ण

    अनपेक्षः शुचिर्दक्ष उदासीनो गतव्यथः ।
    सर्वारम्भपरित्यागी यो मद्भक्तः स मे प्रियः ॥

    anapekṣaḥ śucirdakṣa udāsīno gatavyathaḥ |
    sarvārambhaparityāgī yo madbhaktaḥ sa me priyaḥ ||

    जो किसी पर निर्भर नहीं, जो पवित्र और कुशल है, जो पक्षपात से रहित है और व्यथा से मुक्त है, जिसने स्वार्थ से प्रेरित सब आरम्भ छोड़ दिए हैं — ऐसा भक्त मुझे प्रिय है।

17. 12.17 · श्रीकृष्ण

    यो न हृष्यति न द्वेष्टि न शोचति न काङ्क्षति ।
    शुभाशुभपरित्यागी भक्तिमान्यः स मे प्रियः ॥

    yo na hṛṣyati na dveṣṭi na śocati na kāṅkṣati |
    śubhāśubhaparityāgī bhaktimānyaḥ sa me priyaḥ ||

    जो न हर्षित होता है, न द्वेष करता है; न शोक करता है, न लालसा रखता है; जिसने शुभ और अशुभ दोनों को छोड़ दिया है और जो भक्ति से भरा है — वह मुझे प्रिय है।

18. 12.18 · श्रीकृष्ण

    समः शत्रौ च मित्रे च तथा मानापमानयोः ।
    शीतोष्णसुखदुःखेषु समः सङ्गविवर्जितः ॥

    samaḥ śatrau ca mitre ca tathā mānāpamānayoḥ |
    śītoṣṇasukhaduḥkheṣu samaḥ saṅgavivarjitaḥ ||

    जो शत्रु और मित्र के प्रति, मान और अपमान में, सर्दी और गर्मी में, सुख और दुःख में समान रहता है, और जो आसक्ति से मुक्त है —

19. 12.19 · श्रीकृष्ण

    तुल्यनिन्दास्तुतिर्मौनी सन्तुष्टो येन केनचित् ।
    अनिकेतः स्थिरमतिर्भक्तिमान्मे प्रियो नरः ॥

    tulyanindāstutirmaunī santuṣṭo yena kenacit |
    aniketaḥ sthiramatirbhaktimānme priyo naraḥ ||

    — जो निन्दा और स्तुति को समान समझता है, मितभाषी है, जो कुछ मिल जाए उसी में सन्तुष्ट रहता है, किसी घर से बँधा नहीं, स्थिर बुद्धि वाला और भक्ति से युक्त है — ऐसा मनुष्य मुझे प्रिय है।

20. 12.20 · श्रीकृष्ण

    ये तु धर्म्यामृतमिदं यथोक्तं पर्युपासते ।
    श्रद्दधाना मत्परमा भक्तास्तेऽतीव मे प्रियाः ॥

    ye tu dharmyāmṛtamidaṃ yathoktaṃ paryupāsate |
    śraddadhānā matparamā bhaktāste’tīva me priyāḥ ||

    परन्तु जो श्रद्धा से युक्त होकर और मुझे ही परम लक्ष्य मानकर, मेरे बताए हुए इस अमृत-रूपी धर्म का पालन करते हैं, वे भक्त मुझे अत्यन्त प्रिय हैं।